Gavana wa Machakos Wavinya Ndeti ataka serikali isuluhishe haraka mgomo wa wahadhiri

Gavana wa Kaunti ya Machakos Wavinya Ndeti ametoa wito kwa Serikali ya Taifa kusuluhisha kwa haraka mgomo wa wahadhiri wa vyuo vikuu. Akizungumza wakati wa ziara yake ya maendeleo katika eneo la Mbiuni, Kaunti ndogo ya Mwala, Gavana Wavinya alisema kuwa mgomo huo ni hasara kubwa kwa wanafunzi na taifa, akisema kuwa mgogoro wa elimu ya vyuo vikuu unaweza kuyumbisha sekta ya elimu nchini.