NTSA yajiondoa lawamani kuhusu ajali za barabarani

Halmashauri ya Kitaifa ya Usalama Barabarani, NTSA, sasa inasema haifai kulaumiwa pekee kuhusu visa vya ajali vinavyoshuhudiwa nchini. NTSA inasema usalama barabarani ni jukumu linalohusisha idara mbalimbali za serikali, pamoja na madereva na watumiaji wengine wa barabara. Kauli hiyo inajiri huku visa vya ajali vikiendelea kuripotiwa katika maeneo mbalimbali nchini, na kuzua mjadala kuhusu hatua zinazohitajika kupunguza vifo na majeraha barabarani. Mwanahabari wetu, Gatete Njoroge, alizungumza na Mkurugenzi wa Usalama Barabarani wa NTSA, Daktari Andrew Kiplagat, kutafuta maelezo kuhusu hali inayoshuhudiwa barabarani.