Viongozi wa ODM waashiria kumuunga mkono Ruto kwa muhula wa pili

Vinara wa chama cha ODM, wakiongozwa na mwenyekiti wa chama hicho, Gladys Wanga, wameonyesha kumuunga mkono Rais William Ruto, wakisema anastahili kuchaguliwa tena kwa muhula wa pili. Wakizungumza katika kaunti ya Migori, viongozi hao wamewataka wapinzani wao kueleza ajenda na mipango yao kwa Wakenya kabla ya kutangaza azma yao ya kuwania urais. Wamesisitiza umuhimu wa viongozi kueleza sera zao na namna wanavyonuia kushughulikia changamoto zinazowakabili wananchi.