Ruto azitaka nchi za Afrika kupunguza mzigo wa madeni

Rais William Ruto ameyataka mataifa ya bara la Afrika kupunguza mzigo wa madeni akisema kuwa yanaathiri pakubwa haki za watoto katika sekta za elimu, afya na hata chakula. Akizungumza katika kongamano la Shirika la Umoja wa Mataifa linaloshughulikia watoto UNICEF nchini Marekani, Rais Ruto amesema kuwa madeni haya huathiri utekelezaji wa bajeti hivyo kupendekeza mataifa yanayokuwa yapewe nafasi ya kutosha kutoa huduma muhimu za kuimarisha watoto bila kuathiriwa na mzigo wa madeni. Rais Ruto pia alikutana na marais wa mataifa mbalimbali katika kongamano linaloendelea la Baraza Kuu la Umoja wa Mataifa.