Walimu wa kike Trans Nzoia wataka serikali kuzingatia afya ya akili ya walimu

Muungano wa walimu wa kike katika Kaunti ya Trans Nzoia umeadhimisha hatua muhimu zilizopigwa katika sekta ya elimu nchini, wakitambua mchango wao katika kuimarisha viwango vya elimu licha ya changamoto mbalimbali. Hata hivyo, walimu hao sasa wanaitaka serikali kuweka kipaumbele katika masuala ya afya ya akili na msongo wa mawazo miongoni mwa walimu kufuatia majukumu mengi ya nyumbani na kazini, ili kuwawezesha kutekeleza majukumu yao kwa ufanisi bila kukumbwa na changamoto zinazoweza kudhoofisha utendaji wao.