Abiria wa Jambojet wasakwa kufuatia kifo cha mgonjwa wa Ebola

Ufuatiliaji wa watu waliotangamana na mgonjwa wa Ebola aliyefariki umeongezwa, huku abiria na wahudumu wa ndege ya Jambojet waliokuwa kwenye safari hiyo wakitafutwa. Waziri wa Afya Aden Duale anasema abiria zaidi waliotumia ndege hiyo baada ya tarehe mbili Oktoba pia watafuatiliwa ili kuhakikisha wako salama. Mshukiwa wa maambukizi aliyeripotiwa Wajir amepatikana kutokuwa na ugonjwa huo. Na kama anavyoarifu Brenda Wanga, tayari watu 66 waliotangamana na mgonjwa wamefikiwa, huku serikali ikiihakikishia jumuiya ya kimataifa kuwa Kenya ni salama kwa utalii, uwekezaji na biashara.