Mahakama yaendelea kuchambua ushahidi katika kesi ya mauaji ya Tob Cohen

Mahakama imechambua baadhi ya vifaa vilivyowasilishwa kama ushahidi na aliyekuwa mtaalamu wa Maabara ya Serikali katika kesi ya mauaji ya mfanyabiashara Tob Cohen. Nguo alizokuwa amevaa marehemu wakati wa kifo chake, magodoro, taulo, mswaki na kamba inayodaiwa kutumika kumuua ziliwasilishwa mbele ya Jaji Diana Kavedza. Kulingana na ushahidi uliowasilishwa mahakamani, msimbojeni uliopatikana kwenye baadhi ya vifaa hivyo ulilinganishwa na DNA ya Sarah Cohen, mjane wa marehemu na mtuhumiwa mkuu katika kesi hiyo.