Polisi wanamsaka mmiliki wa jumba lililoporomoka Eastleigh

Maafisa wa polisi wanamsaka mmiliki wa jumba la ghorofa 18 lililoporomoka mtaani Eastleigh, jijini Nairobi. Gavana wa Nairobi Johnson Sakaja amesema jumba hilo halikuwa na idhini ya kuwa na wapangaji na kwamba mmiliki atachukuliwa hatua za kisheria kwa kukiuka sheria hiyo. Sakaja aliyasema hayo alipozuru eneo la mkasa huo. Naye Kamanda wa Polisi Nairobi, Issa Mahmud, amesema maafisa wake wanaendelea kumtafuta mmiliki wa jumba hilo.