Serikali kutafuta fedha kukarabati barabara zenye ajali nyingi

Waziri wa Uchukuzi Davis Chirchir amesema serikali inatafuta fedha za kukarabati barabara ambazo zimetajwa kushuhudia visa vingi vya ajali nchini. Chirchir amesema kumekuwa na mipango ya muda mrefu ya kupanua baadhi ya barabara kuu, ikiwemo barabara ya Nairobi kuelekea Mombasa, katika juhudi za kuimarisha usalama na kuboresha usafiri. Aidha, Waziri Chirchir amesema ripoti ya awali ya uchunguzi kuhusu ajali iliyotokea eneo la Salama, Makueni, tayari imekamilika. Ripoti hiyo inatarajiwa kutoa mwanga kuhusu chanzo cha ajali hiyo na hatua zinazoweza kuchukuliwa kuzuia ajali kama hizo siku zijazo.