3K FC yaandikisha ushindi wa kwanza ligi kuu kwa kuilaza Murang’a Seal

Kikosi cha 3K FC kimepata ushindi wake wa kwanza katika ligi kuu nchini baada ya kuilaza Murang’a Seal mabao 2-1 kwenye Mlima Derby. 3K FC ilitangulia kupata bao kupitia kwa Glen Githinji dakika ya 24, kabla ya kuongeza bao la pili dakika kumi baadaye kupitia kwa Onesmus Juma. Murang’a Seal ilifuta machozi kwa kupata bao la kufutia machozi kupitia kwa Michael Owen mwishoni mwa kipindi cha kwanza. 3K FC sasa ina alama tano baada ya kucheza mechi tatu za kwanza za ligi.