Viongozi wa Kiislamu wataka uteuzi wa haraka wa makamishna wa tume ya wakfu

Viongozi wa Dini ya Kiislamu Kaskazini mwa Bonde la Ufa wamemrai mwanasheria mkuu wa Serikali Dorcas Oduor, kuharakisha mchakato wa uteuzi rasmi wa makamishna wa tume ya Wakfu pamoja na kuchapisha majina yao katika gazeti Rrsmi la Serikali. Wakizungumza na wanahabari jijini Eldoret kaunti ya Uasin Gishu viongozi hao wamesema jopo lililoteuliwa kusimamia mchakato wa uchaguzi wa makamishna tayari limewasilisha majina ya waliopendekezwa kwa uteuzi. Kulingana nao kucheleweshwa kwa uteuzi wa makamishna hao kunatatiza kuanza kwa shughuli za tume hiyo.