Majambazi wauwa watu watatu kaunti ya Isiolo na kuwaiba mifugo zaidi ya 200

Hali ya wasiwasi imetanda katika eneo la Burat, kaunti ya Isiolo, kutokana na shambulizi la majambazi ambapo watu watatu, akiwemo mvulana wa umri wa miaka saba waliuawa, huku mifugo zaidi ya 200 wakiibwa. Wakazi wa vijiji vya Loruko na Ngarendare wametoa wito kwa serikali kuchukua hatua za haraka kuwatafuta watoto 3 waliopotea, kurejesha mifugo walioibwa na kuzuia mashambulizi ya kulipiza kisasi.