Trans Nzoia yaimarisha uwezo wa maafisa wa kilimo kuongeza uzalishaji wa mahindi

Idara ya Kilimo katika Kaunti ya Trans Nzoia imeanzisha mpango wa kuwaelimisha na kuwajengea uwezo maafisa wa nyanjani kuhusu mbinu mbalimbali za kuboresha uzalishaji wa mazao, hususan mahindi. Kaunti ya Trans Nzoia inatajwa kuwa miongoni mwa maeneo muhimu yanayochangia pakubwa uzalishaji wa mahindi nchini na hivyo kuwa na jukumu muhimu katika kuimarisha usalama wa chakula nchini.