IPOA yatakiwa kuchunguza kukamatwa kwa mwanahabari wa Citizen TV

Jioni ya leo, maafisa wa polisi wamewekwa kwenye darubini kufuatia madai ya kudhulumiwa na kukamatwa kwa mwanahabari wa Citizen TV, Ode Francis, alipokuwa akifuatilia taarifa hapa jijini Nairobi. Ode Francis alikamatwa akiwa na wenzake alipokuwa akifuatilia maandamano ya wanaharakati kupinga kupanda kwa bei ya mafuta. Tukio hili limeibua hisia kali, huku Chama cha Wahariri nchini kikiitaka Tume Huru ya Kusimamia Utendakazi wa Polisi, IPOA, kuchunguza tukio hilo mara moja. Chama hicho pia kimemtaka Inspekta Jenerali wa Polisi, Douglas Kanja, kuomba radhi. Laura Otieno anatueleza zaidi.