Ruto : Kenya iko tayari kukabiliana na Ebola

Taifa liko tayari kukabiliana na Ebola. Haya ni kwa mujibu wa Rais William Ruto, ambaye amesema mikakati ya kutosha imewekwa ili kuwatambua na kuwatenga wagonjwa, pamoja na kuzuia kuenea kwa ugonjwa huo hatari. Rais Ruto amesema kufuatia kutambuliwa kwa mgonjwa aliyefariki Jumatatu, Serikali imeimarisha utayari wake na kuwataka Wakenya kutokuwa na wasiwasi.