Ajali za barabarani zafufua madai ya ufisadi miongoni mwa polisi

Visa vya ajali za barabarani vinavyoendelea kuripotiwa nchini vimeibua pia maswali kuhusu madai ya ufisadi kwenye barabara kuu nchini. Baadhi ya madereva wameelezea hali ngumu wanayodai kukumbana nayo mikononi mwa baadhi ya maafisa wa polisi, wakisema kuwa wanakabiliwa na madai ya kutoa hongo ili kuepuka kuchukuliwa hatua. Madereva hao wanadai kwamba wanapokataa kutoa hongo, wanaweza kulimbikiziwa makosa zaidi na maafisa hao. Kwa upande wao, madereva na abiria wanaitaka serikali kutekeleza kikamilifu mapendekezo ya ripoti ya jopo kazi kuhusu mageuzi katika idara ya polisi, wakisema hatua hizo zinaweza kusaidia kukabiliana na changamoto zinazowakabili wasafiri na watumiaji wengine wa barabara.