Afisa wa polisi, mshukiwa mwingine wakamatwa kwa mauaji ya wakili Mbobu

Washukiwa wawili, akiwemo afisa wa polisi, wamekamatwa kwa madai ya kuhusika na mauaji ya wakili Mathew Kyalo Mbobu Septemba mwaka jana. Julius Kipkoech Cheruiyot, afisa wa cheo cha konstebo, anadaiwa kumpiga risasi wakili Mbobu, huku mshukiwa mwingine, Nicholas Lemiso, akidaiwa kuwa mwendeshaji wa boda boda aliyembeba. Uchunguzi pia umebaini kuwa mauaji ya Mbobu yanahusiana na mauaji ya Daktari Victoria Mutiso.