Mwili mmoja wapatikana katika vifusi vya jumba lililoporomoka Eastleigh

Mwili mmoja umetolewa kutoka kwenye vifusi vya jumba la ghorofa 18 katika mtaa wa Eastleigh, siku nane baada ya jumba hilo kuporomoka. Vipande vya mwili vilivyopatikana mapema leo vinakisiwa kuwa vya mmoja kati ya watu 16 ambao hawajulikani waliko. Haya yanajiri huku uchunguzi wa hivi punde ukifichua kuwa huenda mwanakandarasi aliyehusika katika ujenzi wa jumba hilo hakuhitimu na alitumia stakabadhi za jamaa yake kupata vibali vya ujenzi.