Uvamizi wa nyani wasababisha hasara kwa wakazi wa Osala, Kisumu

Wakazi wa kijiji cha Osala katika kaunti ya Kisumu wanakadiria hasara ya mali kufuatia uvamizi wa nyani katika eneo hilo. Mazao mashambani yameharibiwa huku baadhi ya wakazi wakipata majeraha walipojaribu kuwafurusha wanyama hao. Wakazi hao wanasema licha ya mifumo ya fidia kutoshughulikia uharibifu wa mali au majeraha yanayosababishwa na nyani na tumbili, wanahitaji usaidizi wa dharura ili kukabiliana na hali hiyo na kuzuia hasara zaidi.