Kisa cha kwanza cha Ebola chathibitishwa Kenya

Mkenya wa kwanza kutambuliwa kuwa na ugonjwa Ebola hapa nchini ameaga dunia. Mgonjwa huyo aliyewasili kutoka DRC na kupitia Uganda kabla ya kuwasili nchini, alichukuliwa na jamaa zake kutoka uwanja wa ndege wa JKIA na kupelekwa kwa matibabu baada ya kuonyesha dalili za ugonjwa Ebola. Waziri wa afya Aden Duale ambaye ametoa taarifa hiyo leo anasema mgonjwa huyo alifariki wakati akiendelea kupokea matibabu katika karantini. Alikuwa akifanya kazi nchini DRC. Kulingana na Duale, jamaa za muathiriwa huyo ambaye walitangamana naye baada ya kuwasili nchini wametambuliwa na wamewekwa karatini kwa siku ishirini na moja. Abiria waliokuwa naye kwenye ndege pia wanatafutwa ili kutambuliwa na kupewa huduma zifaazo.