Mackenzie na washirika 28 wapatikana na hatia ya mauaji ya Shakahola

Katika mojawapo ya hukumu zilizozua mjadala mkubwa nchini, mhubiri Paul Nthenge Mackenzie na washirika wake 28 wamepatikana na hatia ya mauaji ya watu 191 katika msitu wa Shakahola. Akitoa hukumu hiyo katika Mahakama ya Mombasa jana, Jaji Diana Kavedza-Mochache aliwapata Mackenzie na washirika wake na hatia ya mauaji ya watoto 190 na mtu mmoja mzima, kwa kuwashurutisha kufunga na kuwafanyia vitendo vya unyanyasaji. Brenda Wanga anaangazia juhudi za mawakili wa mashtaka katika kuhakikisha uchunguzi wa kina na kukusanya ushahidi madhubuti uliofichua matukio ya Shakahola, huku wakilenga kuhakikisha waathiriwa na familia zao wanapata haki.