Upinzani waanza mchujo wa mgombea wa 2027

Siasa za Umoja wa Upinzani na mchakato wa kumteua atakayepeperusha bendera ya upinzani dhidi ya Rais William Ruto mwaka wa 2027 zilishamiri katika mazishi ya Jackson Karua, babake kinara wa PLP, Martha Karua. Kila kiongozi alionekana kujipigia debe huku wakisisitiza kuwa wanaazimia kufikia makubaliano ya mgombea mmoja. Hata hivyo, viongozi hao wamewaonya wale watakaoasi upinzani na kuungana na Rais William Ruto, wakisema hatua hiyo itawafanya kuwa wasaliti wa wafuasi wao.