Christine Adhiambo: Mwanamke anayebadilisha maisha ya familia za mitaani

Christine Adhiambo si mgeni kwa familia zinazoishi mitaani jijini Eldoret, Kaunti ya Uasin Gishu. Kwa wengi wao, yeye ni zaidi ya rafiki, kwani amekuwa akiwajali na kuwasaidia kwa hali na mali. Mbali na kuwapa ushauri na chakula, Christine huwasaidia wale wanaokubali kuondoka mitaani kuunganishwa tena na familia zao. Baadhi yao pia wamepata fursa ya kurejea shuleni. Mbali na kuhudumia familia zinazoishi mitaani, Christine pia huwasaidia watu wasiojiweza katika jamii. Christine ndiye anayetuandalia makala ya wiki hii ya Mwanamke Bomba. Hii hapa ni simulizi yake.