Hofu ya Ebola yaongezeka katika mpaka wa Kenya na Uganda

Hofu ya kusambaa kwa Ugonjwa hatari wa Ebola imeenea nchini hasa kwenye mpaka wa Kenya na Uganda kutokana na utepetevu unaoendelea kushuhudiwa.Raia wa kigeni sawia na wakenya wanaendelea kuvuka pande zote za mpaka bila ukaguzi wowote wa kiafya na hakuna mikakati yoyote ya kuangalia dalili za ugonjwa huo. Lakini licha ya haya, Wizara ya Afya imesema kuwa mikakati ya kuzuia kusambaa kwa ugonjwa wa Ebola imewekwa. Hospitali ya Mama Margaret Uhuru Kenyatta imeteuliwa kuwa kituo cha kuwatenga wagonjwa wanaoshukiwa kuambukizwa Ebola.