Watu wawili waokolewa kutoka vifusi vya jumba lililoporomoka Eastleigh

Watu wawili wameokolewa kutoka kwenye vifusi vya jumba la ghorofa 18 lililoporomoka jana katika mtaa wa Eastleigh, jijini Nairobi. Vikosi vya uokoaji vilimfikia mwanamume mmoja baada ya kukwama chini ya vifusi kwa saa 27, huku mwanamke mwingine akiokolewa dakika chache baadaye. Manusura hao wamekimbizwa hospitalini kwa matibabu huku operesheni ya kuwatafuta watu wengine wanaoaminika kunaswa kwenye vifusi ikiendelea.