Mvutano wa kisiasa wavuruga mazishi ya Burudi Nabwera Trans Nzoia

Joto la kisiasa lilitanda wakati wa mazishi ya aliyekuwa balozi na waziri msaidizi Burudi Nabwera nyumbani kwake eneo la Kiminini, Kaunti ya Trans Nzoia. Hali hiyo ilijiri baada ya mvutano wa maneno kuzuka kati ya Gavana wa Trans Nzoia George Natembeya na Mbunge wa Kiminini Kakai Bisau, hali iliyosababisha shughuli za mazishi kusimamishwa kwa muda. Familia ya marehemu ilisisitiza kutekelezwa kwa wosia wake wa kuzikwa kabla ya saa nane alasiri.