Serikali yaomba Mahakama ya Rufaa iidhinishe uuzaji wa hisa za Safaricom

Serikali sasa inaitaka mahakama ya rufaa kutupilia mbali uamuzi wa mahakama kuu uliobatilisha uuzaji wa asilimia 15 ya hisa zake za kampuni ya Safaricom. Waziri wa Fedha John Mbadi na mwanasheria mkuu Dorcas Oduor, wameieleza mahakama kwamba tayari shilingi bilioni 204 zinazotokana na mauzo ya hisa hizo kwa kampuni ya Vodacom zimeshaelekezwa kwenye miradi mbalimbali chini ya hazina ya kitaifa ya miundombinu.