Serikali yajitetea kuhusu bei ya mafuta huku gharama ya uchukuzi ikipanda

Huku Wakenya wakiendelea kutaabika kutokana na ongezeko la bei ya mafuta, waziri wa kawi Opiyo Wandayi amesema kuwa serikali inajizatiti kudhibiti bei hiyo. Akizungumza jijini Kisumu, Wandayi amesema kuwa mfumo wa uagizaji wa G to G umekinga taifa kutokana na uhaba wa mafuta na kuwa serikali inatumia ruzuku kudhibiti bei ya bidhaa hiyo . Semi hizo zinajiri wakati ambapo gharama ya uchukuzi tayari imeongezeka huku wanaharakati wakipanga maandamano wiki ijayo kuishinikiza serikali kupunguza bei ya mafuta ya petroli.