Wadau wa soka ya ufukweni Kilifi walalamikia kujiondoa kwa Kenya kwenye mchuano wa AFCON

Wadau wa soka ya ufukweni katika Kaunti ya Kilifi wameelezea masikitiko yao baada ya Kenya kujiondoa katika mchuano wa kufuzu Kombe la Mataifa ya Afrika dhidi ya Libya. Kujiondoa kwa Kenya kumeifanya Libya kupita moja kwa moja hadi raundi ya pili ya michuano hiyo, huku Kenya ikikosa nafasi ya kupigania tiketi ya fainali za AFCON Beach Soccer 2026. Msimamizi wa soka ya ufukweni Kilifi, Twaheer AbdulKareem, amesema uamuzi huo umewaathiri vijana waliokuwa wamejiandaa kuiwakilisha nchi. Wadau hao sasa wanataka Shirikisho la Soka Nchini, FKF, kutoa maelezo ya wazi kuhusu sababu za Kenya kujiondoa katika michuano hiyo.